Kvifor vegetarisk?

Eg har levd med eit vegetarisk kosthald i nokre år no, då eg for det meste har valt å ete vegansk. No et eg berre veganmat. For min del har dei fleste respektert at eg har teke dette valet. Det eg i staden har oppdaga er kor utruleg lite folk veit når det kjem til kva kjøtproduksjonen fører til. Det er om lag ingen som kjem med opplysningar om alle dei negative sidene ved dyredrift. 

At vi må bevare regnskogen har det til dømes vore mykje fokus på, korleis vi må kutte ut palmeolja osv. Ikkje misforstå meg no, palmeolje er absolutt noko ein bør la vere å kjøpe. Men visste du at om lag halvparten av alle områda der regnskogen vert hogga ned, skal brukast til beitemark? Dei dyra som skal beite der vil fòrast opp på blant anna korn og bønner, som kunne vore brukt som mat til menneske. Hadde vi i staden ete den maten beitedyra et, ville vi ikkje trenge beitedyr og beitemark, og då heller ikkje å kutte ned i nærleiken av så mykje regnskog som vi gjer i dag. 

For å produsere ein kilo kjøt brukar vi ti kilo vegetabilsk mat. Dette førar igjen til at vi må importere korn og liknande frå utlandet, som betyr miljøskadeleg frakt og uttæring av matfattige område. Enorme mengder vatn vert også brukt i kjøtproduksjonen, og då snakkar eg verkeleg om enorme menger! Og her går vi rundt og lurer på kva vi kan gjere for å hindre mat- og vatnmangel..

Her i Noreg fôrar vi opp, slaktar og et kring 60 millionar dyr kvart år, noko som vil  tilseie kring eit dyr annakvart sekund! Eg må nemne at dette er dyr som gjerne har levd heile sine liv i tronge bur, utan moglegheita til å til dømes kommunisere med kvarandre, leike og puste inn frisk luft. Høner som aldri får strukke ut vengene sine, grisar som stirar i ein betongvegg heile livet og oppdrettsfisk som lev så tett at dei til slutt et kvarandre. Med eit heilt vegetarisk kosthald kan du spare opptil hundre dyreliv berre på eit år.

Det at eit menneske treng kjøt for å få i seg dei nødvendige næringsstoffa, er ei myte. Vegetarisk mat er rik på vitaminar, mineralar og fiber, og inneheld lite metta feitt og kolesterol i motsetnad til animaliske produkt.  Dette gjer at det er mykje mindre sannsynleg at ein vegetarianar utviklar enkelte krefttypar, hjarte- og karsjukdommar, diabetes eller høgt blodtrykk enn den gjennomsnittlege kjøtetar. Mange trur at det er vanskeleg å få i seg dei proteinane ein treng som vegetarianar, men det er mange gode vegetabilske proteinkjeldar, som til dømes bønner, linser, kikertar, fullkornsprodukt og soyaprodukt.



At det fins mykje god vegetar- og veganmat ein kan lage kan eg personleg garantere. Det fins plenty med lettvinte, gode og ikkje nødvendigvis kjempesunne rettar óg! ;)
Å kunne nyte eit måltid, utan å ha dårleg samvit med tanke på miljø, dyr, rettferdig russursfordeling osv. syns eg gjer til at maten smakar betre. Det er fleire ferdigrettar på markedet, som du kan byrje med om du ikkje veit kva du kan lage sjølv, dessutan ligg det ute oppskrifter på nettet. Eg vil anbefale alle å ete vegetariske måltid innimellom. Du vert om ikkje anna ei smaksoppleving rikare.

2 kommentarer

Iselin Renée

28.12.2015 kl.15:47

Bra å velge vegetarisk :)

osunniva

29.12.2015 kl.16:27

Du argumenterer godt ;) Og maten ser faktisk freistande ut på bildene :))

Skriv en ny kommentar


Follow
>

.

Søk i bloggen







Follow






hits